Bolt a intlansiak dawn

Usain Bolt chuan London Anniversary Games-a tel a tum thu a sawi. Inelna hi July 24-26 khian Olympic Stadium, London a neih tur a ni. Jamaican sprinter hi inhliam vangin kumin a la tlan tam lo.

Kum 28-a upa Bolt hi kuminah vawi nga chiah ala intlansiak a, a tlan ṭhat ber ṭum chu April thla daih tawh kha niin second 10.12 chhungin 100m a tlan thleng a ni.

Kumin bikah chuan Bolt hian sprinter dang pathum Justin Gatlin, Asafa Powell leh Tyson Gay te a el pha lo vek.

Olympic gold medal paruk dawng tawhtu Bolt chuan, "Kum 2012 khan Olympic Stadium-ah hian hun hlimawm tak ka lo hmang tawh. British mipuite min ṭan vangin ka lawm a, an hnena ka kir leh thei tur hi ka lawm hle a ni," tiin a sawi.

Thla hmasa a France khawpui Paris leh Lausanne a neih Diamond League-ah khan hliam vangin Bolt hi a lo inhnukdawk tawh. August thlaa China khawpui Beijing-a neih tur World Athletic Cham­pionship atan a inbuatsaih tel bawk.