New York City tan Villa

Chelsea midfielder hlui Frank Lampard chu chawn hliam vangin a club tan ala inlan thei lo a, Pathianni zana Major League Soccer match-a a club thar New York City leh Toronto inkhel chu field sir aṭangin a lo thlir. He inkhelah hian New York leh Toronto hi 4-4 in an inhnehtawk a ni.

New York City tan hian kum 33-a upa cap­tain David Villa chuan goal hnih a khung bakah striker Patrick Mullins chuan goal khat khungin Damien Perquis chuan anmahni lamah a ti lut palh bawk.

He inkhelah hian Toronto forward Sebas­tian Giovinco a duai bik lo hle a, kum 28-a upa Italian forward hian hat-trick siamin Marco Delgado chuan goal khat a khung ve bawk.

MLS-ah New York City hian point 21 hmuin table-ah pariatna an ni mek a, an khingpui Toronto erawhin point 24 hmuin table-ah pathumna an ni mek thung.