Tlai dar 4:30-ah Mizoram Vs Sikkim

NorthEast state-te tana football hmanga inelna Dr T Ao Football-ah vawiin tlai dar 4:30 hian Mizoram leh Sikkim ten group B hmahruaitu an zawng dawn. 

Group B inkhel dangah tlai dar 2:00 hian Assam leh Meghalaya te an inkhel dawn a, Meghalaya hi an chak zo lo a nih chuan group match hnuhnung ber khelh hmain Sikkim-in semifinal an lut thei ang.

Mizoram coach Lalremtluanga chuan, "Assam leh Sikkim inkhel kha kan en a, an game a dul avang khan awlsam taka hneh theih turah kan ngai. Amaherawhchu Assam kan hmachhawn khan an harsatzia kan hria a, chuvangin Assam hnehtu Sikkim lakah hian fimkhur a ṭul ang," tiin Vanglaini a hrilh. Mizoram team hi manager T. Vanlalhluana leh coach Lalrem­tluanga ten an ho a, match hnih khel tawhin Meghalaya (6-0) leh Assam (4-0) te an hneh ve ve a ni.