Ṭhalvafavang Games vawi 46-na an ṭan

Samthang G&SA te buatsaih 'Ṭhalfavang Games vawi 46-na' chu September 15, Thawhṭanni zan khan Samthang Community Hall-ah hawn a ni a, nimin khan inelna ṭan a ni. Ṭhalfavang Games hi Samthang khua hian kum 1979 aṭangin an hmang ṭan a, kumin hi vawi 46 an hmanna a ni.

Ṭhalfavang Gams hawnnaah hian Mizoram Wrestling Association president Joseph K.Lalmuanpuia chu khuallian a ni a, Darthangvunga, EE, PHED, Champhai Watsan Division chu khualzahawm a ni thung. Inelna hi boxing, inchai, inbuan, football, volleyball, insaihruipawh, san zawnga zuan leh thui zawnga zuan leh intlansiak hmangin an intihsiak ṭhin. Kuminah football, volleyball, arm wrestling, carrom board leh indawl chuh hmangin intihsiakna neih a ni ang.