Mata a la inkhel dawn

Chelsea leh Manchester United midfielder hlui Juan Mata chu a la chawl mai dawn lo - Australian club Melbourne Victory tan contract a ziak thar a, inkhelh tam a la tum tihna a ni.

Season hmasa khan Mata hi Western Sydney Wanderers tan a khel, mahse league match vawi sarihah chian inkhel bul a ṭan. Tunah chuan A-League lama an elpui a zawm a, an elpui a zawm chhan hi inkhelh tam a duh vang niin a sawi.

Kum 37 mi Mata chuan, "Match ka khelh duh zat bituk chi ka ni lo a, chutihrualin a tam thei ang ber inkhelh châk mi erawh kan ni ve thung. Club tana ṭangkaina neih ka duh a, midang ṭanpuitu ni tura inkhelh ka duh a ni," a ti.

Mata hian ram leh club tan hlawhtlinna a chang hnem tawh hle a, Champions League, Europa League leh FA Cup a lak tawh bakah Spain tan Euro 2012 khan a champion bawk a, sulhnu a nei ṭha hle.