Marquez-a'n Rossi a hnaih chho zel

Intlansiak hmabak paruk lai la awm mah se MotoGP World Championship chu a nih tur ang a ni fel dawn hnai, hmahruai mektu Marc Marquez chu amah hnaih bertu Alex Marquez aiin point 182 tehmeuhin a sang fal tawh.

September 28, Pathianni chawhma lam hian Japanese Grand Prix an tlan dawn a, a vawi sarih nana champion turin chet sual loh a tawk viau a, champion tam lamah Valentino Rossi a nih rual ngei dawn tiin a sawi ngam.

Bike intlansiakna hrang hrang chhiar tel loin, a sang ber MotoGP huangah chuan Marquez hi vawi 73 a chak tling tawh a, a la chak belh zel pawh a rinawm. Rossi khan vawi 89 hnehna a chang a, record nei ṭha ber ni mah se a him ta bik lo.

Marquez hi kum 32 mi chauh a la ni a, bike intlansiakna huangah hun a la nei rei dawn. Tun season chhung ringawt pawhin vawi 11 a chak tling tawh a, champion bakah mimala a chak tam record chelh a duh chuan a inthlahdah a thiang lo bawk.

Marquez chuan, "Eng dinhmunah pawh ding ila, ka rilru puthmang chu a pangngai reng tur a ni. Tun season atan pawh intlansiak hmabak kan la ngah, hengah te hian hnehna chan zel ka tum, ka dinhmun a ṭha deuh tawh a nih pawhin inthlahdah chu a remchang dawn lo," tiin a sawi.

Ranking sang zual pariat inelna ATP Finals chu November 9-16 chhungin Turin khawpuiah khelh tur a la ni dawn bawk. Season hmasa khan Sinner hian Taylor Fritz hnehin a champion a, kuminah pawh rinkai a ni leh ang.