Rio 2016 khi Olympic-a ka inlan hnuhnung ber a ni tawh ang - Sushil

Indian wrestler Sushil Kumar chuan 2016 Olympics, Rio de Janeiro-a neih tur chu Olympic-a a tel hnuhnun ber a nih tur thu a sawi.

Thawhlehni khan Delhi-a 2016 Olympics a tel tur zawnna neih a ni a, he huna tel Olympic medal ṭum hnih la tawh Sushil chuan, "2016 Olympics bak chu Olympic-a inlan ka tum tawh lo. Chutihrualin ka career tihtawp mai erawh ka la tum lo. Tunah chuan Rio de Janeiro-a inelna kan neih tur chauh ka ngaituah a, medal lak lei ngei ka tum a ni," a ti.

Trial neihnaah hian Sushil hi a inhliam avang­in September 7, 2015-a ṭan tur World Cham­pionship-ah a inlan lo ang.

A career chungchanga thutlukna siam tur sawiin Su­shil chuan, "Rio Olym­pic zawhah ka coach Sat­pal Singh nen thutlukna kan siam ang. Ka tan chuan a ani thutlukna hi a pawimawh a ni," tiin a sawi.

Sushil hian 2008 Beijing-ah khan bronze medal a la a, 2012 Lon­don-ah silver medal a dawng leh bawk. India ram infiamite zinga Olympic medal a zawna la thei hmasa ber a ni.