Sporting Lisbon-ah Ruiz

Fulham forward Bryan Ruiz chuan kum thum chhung cham turin Sporting Lisbon a pan a, Portuguese club aṭang hian club dangin leichhuah an duh a nih chuan pound maktaduai 43 insen an huam a ngai dawn a ni.

Costa Rica interna­tional Ruiz hian kum 2011 khan Dutch club FC Twente aṭangin Fulham a pan a, The Cottagers (Fulham sawina) tan hian vawi 106 inlan hmangin goal 13 a khung. Season hman zawh takah khan Championship club tan hian match 32 lai a inlan a ni.

Kum 29-a upa Ruiz hian kum khat dang cham turin May thla khan Fulham-ah hian contract thar a ziak a, a contract thar ziah chhan hi London club-a cham zel a tum vang ai mahin Fulham lamin man neiloa chhuah tir an ui vang zawk niin a lang.

Season hman zawh taka Primeira Liga pathumna Lisbon hian an club website-ah Ruiz lei duh chuan pound maktaduai 43 insen an huam a ngaih tur thu an tarlang a ni.