Spurs-a nghet Nabil Bentaleb

Tottenham midfielder Nabil Bentaleb chuan a club-a a rinawm zia lantirin kum nga chhung atan a contract a pawtsei.

Algeria international hian kum 2012 January thla khan Dunkerque aṭangin Premier League club Spurs hi a zawm a, a game hmasa ber chu kum 2013 December thla khan Southampton lakah a khel.

Kum 20-a upa midfielder hian nikum Brazil FIFA World Cup kha a khel a, season hmasa khan Spurs tan match 35 khelin goal khat a khung ve bawk. Bentaleb hi Lille, France a piang a ni a, mahse a pa te ram Algeria tan khel zawkin match 17 a khel tawh nghe nghe.