October 3 aṭangin ISL

Indian Super League season 2 chu October 3, 2015 khian Jawaharlal Nehru Stadium, Chennai-ah khelh ṭan a ni dawn. Opening match-ah Chennaiyin FC leh champion lai Atletico de Kolkata an khel ang.

Mizoram Premier League ang thoin ISL-ah hian team riat an awm a, team-te chu Atletico de Kolkata, Chennaiyin, Delhi Dynamos, Goa, Kerala Blasters, Mumbai City, NorthEast United leh Pune City te an ni. League stage-ah match 56 a awm a, a sang paliin semifinal an lut.

Semifinal hi double legged a ni a, home leh away-a khelh niin final erawh neutral ground-a khelh a ni thung. Final hi December 20-a khelh tur a ni a, a khelhna tur stadium erawh puanzar a la ni lo.