Balotelli a la chawl rih dawn

Liverpool chuan an striker Mario Balotelli chu an chhungkaw chhiat tawhna avangin a chawlh hun an pawhsei sak a, Reds-in season ṭan hma tour an neihna turah pawh a tir lam a tel dawn lo.

Balotelli hi kar hmasa lawk khan a naupan lai aṭanga fa anga latu a pa Francesco chuan a boralsan a ni.

Italy international Balotelli chuan, "Min ṭawiawmna avangin in vai chungah lawmthu ka sawi a, ka lawm takzet a ni. Kan chhungkua pawh kan chunga inṭhatna avang hian an lawm takzet a ni," a ti.

Kum 24-a upa Balotelli hian Australia-a tour an neih hunah Liverpool squad a zawm thei tura beisei a ni.

Manchester City striker hlui hian nikum August khan Milan aṭangin Liverpool a pan a, beisei erawh a la phak rih lo hle.