Liverpool first-team coach tur McAllister

Scotland midfielder ropui ṭhin Gary McAllister chuan player a nih laia a lo khelh tawh ṭhinna Liverpool-ah first-team coach hna a thawk dawn.

Kum 50-a upa McAllister hian Nilaini khan Liverpool manager Brendan Rodgers nen inbiakna an nei a, Anfield-ah hian Reds zawm thar ve tho assistant manager Sean O'Driscoll leh Dutch coach Pep Ljinders te nen an thawkho ang.

Kum 35-a upa a nih tawh hnu kum 2000-a mipui mak tih tura Gerard Houllier-a'n Liverpool-a seng luh McAllister hi kum 2001-a Liverpool-in League Cup, FA Cup leh UEFA Cup an chawi theihna tura an player pawimawh ber zinga mi a ni nghe nghe.

McAllister hian coaching lamah pawh tawnhriat a nei chhe lutuk lo, player a nih laia alo khelh tawh ṭhinna Coventry City leh Leeds United a lo enkawl tawh a, Liverpool-a a pu hlui Gerard Houllier-a thachhang dawltu niin Aston Villa-ah a lo thawk tawh bawk a ni.