Arteta-a'n a contract pawtsei

Arsenal captain Mikel Arteta chuan nakkum June thla thleng cham turin a contract a pawtsei. A châwn na vangin season hmasa khan kum 33-a upa Arteta hi a inkhel tam lo a, Premier League-ah vawi sarih chiah a inlan.

Kum 2011 khan Spa­nish midfielder hian Everton aṭangin Arse­nal hi a zawm a, nikuma captain Thomas Vermaelen-a'n Barcelona a pan hnu khan Arsene Wenger-a'n captain atan a ruat.

French manager Wenger chuan, "A kum tan deuh tawh mah se a dam phawt chuan ṭha takin ala inkhel thei tih ka hria. Season hmasa ai khan season tharah chuan a inkhelh tan theih deuhtawh ka beisei a, mahse khelhna chang tur chuan a thawhrim a ngai hle ang," tiin a sawi.