Saints player thar Martina

Southampton chuan defender Cuco Martina chu Dutch club FC Twente aṭangin kum hnih cham turin an la lut.

Kum 25-a upa Cura­cao international hian tunkar hian Austria-a an pre-season training camp a zawm ve ngal ang.

Martina leh Sou­thampton assistant coach Erwin Koeman te hi RKC Waalwijk-ah an lo thawk dun tawh a, tunah chuan Erwin-a unaupa Ronald Koeman hnuaiah a khel leh dawn ta a ni.

Season thara Europa League khel tur Saints hian Martina hma hian Juanmi leh Cedric Soares te an lo la lut tawh.