Sanchez-a'n Asia Trophy khel dawn lo

July 15-18 chhung khian Asia Trophy chu Singapore-ah khelh a ni dawn, heta inlan tur Arsenal chuan Ningani khan squad an puanga Alexis Sanchez a tel ve lo. Ani bakah hian Danny Welbeck, Tomas Rosicky leh David Ospina te pawh an tel dawn lo.

Copa America an khelh avangin Sanchez leh David Ospina te hi hahchawlh tir an ni a, anni bakah hian Welbeck leh Rosicky te chu an hliam dan tawh mah se indim an la ngaih avangin an la inlan dawn lo bawk.

Arsenal hian Copa America-a Chile champion puitu Sanchez chu August 3 thleng chawlh an pe a, semifinal-a chak lo Colombia goalkeeper Ospina chu July 27 thleng chawlh an pe bawk.