CONCACAF Gold Cup Costa Rica leh Jamaica inhnehtawk

Nilaini zan khan CONCACAF Gold Cup Group B match hmasa ber chu khelh a ni a, Costa Rica leh Jamaica te chu goal hnih ve ve khung­in an inhnehtawk. Tournament thlengtu Canada chuan goal awm loin Salvador an inhnehtawk pui bawk.

Kum 2013 a Gold Cup an khelh theih loh hnuah kuminah Jamaica an lo kir leh a, Copa America-ah match thum chak lo vek mah se Gold Cup champion lai an draw.

Jamaica tana Garath McCleary goal chu Roy Miller leh David Ramirez te goal hmangin Costa Rica-in an chhang let a. Jaimaca-in second half-a Obi McAnuff-a goal ropui kung hmangin an draw a, point khat an insem. Costa Rica manager kum 38-a upa Paulo Wanchope hian kuminah a team a la chak pui lo.

Inelna thlengtu Canada chu an game hnuhnung pakuaah vawi khat chauh an chak a, an match hmasa berah Salvador lakah goal chhuah loin point khat hlu tak an hlawhchhuak.