2024 Olympics thlen tum Budapest
Hungary khawpui Budapest chuan kum 2024 Olympics leh Paralympic Games thlen an dil tur thu an puang.
Budapest bakah hian khawpui dang pali Rome, Boston, Hamburg leh Paris te chu he infiamna kutpui thlen dil tura rin an ni.
Hungary chauh hi Olympic a hlawhtling ram 10 zing a, he kutpui la thleng lo awmchhun an nih avangin beisei an nei sang hle. Olympic leh Paralympic Games thlen dilna hi September 15 thleng thehluh theih a ni ang.
International Olympic Committee (IOC) chaun nakkum April thla emaw May thlaah emaw Olympic thlen diltu khawpuite hi an ṭha tawk em tih a endik ang a, kum 2017 September thlaah a thleng tur an puang chauh ang.
Kum 2017 World Aquatics Championships thlen dilve tu Mexico chu sum lama harsatna vangin an inhnukdawk a, Budapest chuan Aquatics Championship a theng dawn tih a chiang tawh bawk.