Vawiinah ISL2 Auction

Indian Super League season hnihna atana hun pui hmasa ber chu vawiin hian ṭan a ni dawn. Mumbai-ah player zawrhna neih a ni dawn a, he hun hi ramchhung player zawrhna hun a ni a, foreign player zawrhna erawh hun danga la neih tur a ni.

Ramchhung player zawrhna hi player 10 auction aṭanga ṭan tur a ni a, chumi zawh chuan player 114 awmna player draft-in a chhunzawm ang.

Hriattur pawimawh

1. Team tinin an player zawng zawng hlawhah crore 20 aia tam an hmang thiang lo.
2. Team pakhatin season hlui aṭanga an player chelh theih zat :
a) Marquee player : 1 player
b) Foreign player : 1-5 player
c) Domestic player : 1-6 player
3. Marquee player ni tur hian an ram tan khawlmualpui inelna sang ber Asian Cup, African Cup of Nations, Copa America, European Championships, CONCACAF Gold Cup emaw FIFA World Cup an khel tur a ni.
4. Club-in an player chelh zui loh zawng hi ISL club dangin May 2015 thleng khan an la lut thei a, lak ve lohte chu ISL Draft list-ah telh an ni.
5. Team khata player awm thei zat : 22-25 players
a) Marquee player : 1 player
b) Foreign player : 8 players
c) Domestic player : 13 players (Under 23 player pahnih an tel ngei tur a ni).
d) Player 22 hi neih ngei ngei a ṭul a, player 25 tlinna tur player pathum erawh a belhna chauh a ni. Pathum zinga pahnihah hian foreign player a lakluh theih.
6. Club-te player neih tawh dan
a) Atletico de Kolkata-in ramchhung player pakua an nei tawh a, draft aṭangin player pali an la lut thei.
b) Chennaiyin FC-in ramchhung player pariat an nei tawh. Draft aṭangin player panga an la thei.
c) Delhi Dynamos-in ramchhung player pasarih an nei tawh a, paruk an la la thei.
d) FC Goa-in ramchhung player 11 lawih an nei tawh a, pahnih bak an la thei tawh lo.
e) Kerala Blasters-in ramchhung player pakua an nei tawh, pali an la la lut thei.
f) Mumbai City-in ramchhung player paruk an la tawh, pasarih an la lut thei.
g) Northeast United FC leh FC Pune City-in player pasarih ve ve an ziak lut tawh a, paruk ve ve an la lut thei.