Slice Small Finance Bank Limited School Basketball thiam ber zawn ni

Small Finance Bank Limited 15th Inter Branch Basketball Tournament 2025 kharna chu vawiinah neih a ni dawn a; middle, high leh higher secondary bakah girls category final khelh a ni dawn. Nomawi inchuhna hi R. Dengṭhuama Stadium, Mualpuiah khelh a ni dawn a, school panga zet an inlan dawn avangin entu an ṭhahnem dawn.

Nimin khan Primary school 3x3 inelna final khelh a ni tawh a, Graceland an champion. Vawiin final khel turah hian Mizoram chhunga private school lian pathum Home Missions, St Joseph leh Mount Carmel te category pahnihah final an lut thei vek a, an thawm a ring dawn. Chutihrualin Graceland School leh Living Water te hian vawiin hi school hming chherna hun ṭha tih hriain si ruk lain an rawn thawk chhuak bawk ang.

Chawhnu dar 2:30-ah closing function tawi fel taka neih tur a ni a, inelna buatsaihtu MBBA aiawh bakah inelna sponsor-tu Slice Small Finance Bank Limited aiawhten thusawina hun an nei ang.