Tlai dar 3-ah Kanan Vs Aizawl FC

GIG Motors MPL12-ah Aizawl FC khel a nghet chho tulh tulh a, tlawm la nei loin phase 1 aṭangin point 19 an hlawh chhuak. Vawiin lai dar 3:00 hian Aizawl FC hian Kanan FC an hmachhawn dawn a, MPL club thar tan mangchhia belhchhah theihna a nih rualin dinhmun siamṭhatna a ni thei bawk.

Kanan hian match li chhung chak hmel an hmu tawh lo a, semifinal khel pha china awm ṭhin kha paruknaah an la tla thla. Chawngthansanga hote hian match sarih aṭanga goal 14 an chhuah avangin tlarhnung an thuam chak a ngai tih a chiang a, an khingpui tur Aizawl FC hian goal 23 an khung tawh tih hriat a ṭha bawk.

An intawn hmasak ṭumin Aizawl FC hian 2-0 in an hneh a, table an dinhmun thlirin I League club hi chak tura rinkai an ni. Mahse maw, an sum hman dan leh an player neih dan thlir erawh chuan Kanan hian Chawngthansanga hote hian I League club hi elpha tur an ni thung.

Aizawl FC tan tun inelnaa goal riat khung tawh Zomuansanga a rawn kir dawn a, goal ruk khung tawh Vicent Lalduhawma an kawl bawk. Chutihrualin vawiin tlai inkhel tur hi player mal inbeihna a ni dawn lo a, team anga che ṭha zawk an dingchang ang.