Champion lai PSG an chak e

Treble champion Paris St-Germain-in Champions League nomawi humhim an tum tih khelmualah an pholang a, Nilaini zan khan an mikhual Atalanta chu 4-0 in an sawp.

Parc des Princes-a inkhelah chak tur a chiang hma a, PSG hian minute thumna lekah captain Marquinhos hmangin goal hmahruai an khung - an league match hnuhnung bera inhliam Khvicha Kvaratskhelia pawhin a dam leh ta, tih pholangin solo goal ropui a khung.

Atalanta an talbuai a, an tan PSG an sang lutuk hret - Atalanta midfielder Yunus Musah chu Marquinhos lakah a foul a, penalty a chawi. Mahse, French club tan a pet ṭhang Ousmane Dembele leh Desire Doue te hliam vangin an inlan thei lo a, Bradley Barcola a lo pen chhuak.

Kum 23 mi forward penalty pet a nem hret a, Atalanta keeper Marco Carnesecchi tan dan harsa a ni lo. Mahse, second half ṭan aṭanga minute rukna lekah Nuno Mendes-a'n an goal thumna khungin, hun pek belhah Goncalo Ramos chuan a hmawr a bawk.

PSG tan hian Mendes, Senny Mayulu, Barcola leh Achraf Haikimi ten khung belh theihna remchang an nei vek a, an chhawr lo - UCL an khelh leh hmasak berah Barcelona an lenchilh dawn a, hei hi a hmuhnawm dawn!