Postecoglou a tlawm leh ta

Nottingham Forest boss thar Ange Postecoglou-a'n a club thar a la chakpui thei lo - "Ka kalna apiangah nomawi ka chawi ṭhin," titu coach tan nomawi pakhat chu lak kianin a awm a, League Cup third round-ah an tlawm.

Forest hian Championship club Swansea City chu khualmualah an lenchilh a, first half-ah Igor Jesus chuan goal hnih khungin, Forest hi nuamsain an chak dawn niin a lang hman.

Mahse, beisei ang ngawtin thil a thleng lo - Championship club tan Cameron Burgess chuan minute 68-naah si phurh a sut ṭhen a, hun pek belhah Zan Vipotnik-a'n si phurh a sut zo!

Team pahnih hian penalty hmangin chak zawk an zawn a ngai dawn niin a lang hman a, mahse, hun pek belh minute sarihnaah Swansea tan Burgess chuan chakna goal a khung!

Forest tan thawhleh ngaihna a awm tawh lo a, Ange Postecoglou hnuaia match hnih an khelh tawhah an la tlawm ve ve.