Alexander-Arnold chawl rei dawn

Trent Alexander-Arnold chu a malpui hliam vangin a chawlh rih a ngai dawn. Real Madrid defender hi Marseille nen an inkhelh ṭum khan thlak a ni a, a lan dan chuan chawlhkar ruk chhung vel a inkhel thei dawn lo.

Kum 26 mi Arnold hian Santiago Bernabeu-ah inkhel bul a ṭan a, mahse minute ngana lekah malpui hliam vanga thlak a ni. Nilaini khan a hliam hi endik zui a ni a, a rei lo berah kar nga tal a chawlh a ngai dawn a, kar ruk thleng pawh a ni thei dawn a ni.

November tir lamah Real Madrid hian Champions League khel turin Liverpool an tlawh dawn. Arnold hian Anfield-a kir leh theihna remchang a neih hamsak hi a tipuitling thei dawn em, tih chu a chiang ta rih lo.

Alexander-Arnold hian Liverpool chhuahsanin Real Madrid hi a zawm a, season pangngai ṭan hma khan Spanish club tan hian Club World Cup a khel, 2025-26 season ṭan hnuah a club tan hian inelna hrang hrangah match nga a khelhsak leh tawh bawk.