Korea Open-ah Raducanu a chak

Ruah surin inkhel tibuai deuh mah se Emma Raducanu chuan Korea Open a match hmasaah hnehna a chang, a khingpui Jaqueline Cristian-i chu straight set hmangin a hneh.

British nula hian awlsam takin hnehna erawh a chang mai bik lo, set pahnihah hian 1-3 in hnufual hman ve ve mah se, a tawpah erawh 6-3, 6-4 in a chungnung a, a match lehpekah chuan Grand Slam champion pawh lo ni tawh Barbora Krejcikova a hmachhawn leh ang.

US Open champion pawh lo ni tawh Raducanu chuan, "South Korea khawpuiah ruah a sur nasa a, inkhelh hun pangngaiah kan khel thei lo. Tun ṭum kan tournament khelh hian rilru a luah hneh em em a, kan inkhelh tak tak hma ni thum vel aṭang khan inkhel ṭan tawh ang mai niin ka inhria," tiin a sawi.

Inkhel dangah Iga Swiatek pawhin nuamsa takin hnehna a chang - Polish star Swiatek hian Romanian player Sorana Cirstea chu 6-3, 6-2 a hnehin quarterfinal a inhlangkai a ni.