Indian Super League Auction neih zawh a ni ta

Nimin khan October 3 aṭanga khelh ṭan tur Indian Super League player zawrhna neih a ni a, ISL-a club pariat ten an player duhzawng an in chhan huai siak.

Auction neih hmasak phawt a ni a, auction an tih bikah hian season hmasa ISL-a khel lo, player ṭha zual sawm chhawpchhuah an ni. Heng player ṭha zual an thlanchhuah sawm te hi base price (lei theihna tlawm ber) siamsak vek an ni a, an base price aia to tak takin ISL club ten an lei hlawm.

Player ṭhazual 10 te auction neih zawh a nih hnu hian Domestic draft neih leh a ni a, Mumbai City FC-in sum an seng hnem ber.

Mumbai City FC hian player auction-ah vaibelchhe 1.20 an seng a, domestic draft-ah vaibelchhe 1.49 seng lehin an sum sen zawng zawng hi vaibelchhe 2.49 a ni.

Pune City FC chu sum sen tam lamah pahnihna niin auction bikah vaibelchhe 1.50 an seng a, domestic draft-ah nuai 78 seng lehin a vaia an sen zat hi vaibelchhe 2.28 a ni.