FIFA Ranking tharah India 156-na

India national football team-in World Cup qualifier-a Guam an hneh loh hmain ranking-ah 141-na an ni. FIFA ranking thar ber Ningania tihchhuahah India hi 156-naah an tla thla a, mipui nuai hnih vel lek awmna Guam erawh 154-naah an awm thung.

India hian coach thar Stephen Constantine hnuaiah match li khel tawhin vawi hnih an chak a, vawi hnih dang an chak lo. 2018 FIFA World Cup Qualifier-ah Oman leh Guam an hneh loh avangin English coach Constantine-a'n sawisel a hlawh hle.

No. 1 Thar

Copa America-ah Argentina champion zo lo mah se Germany lehpelin pakhatnaah an inhlangkai. South American champion Chile chu 11-naah an inhlang chho bawk.

Real Madrid forward Gareth Bale-a hoin 2016 Euro Qualifier-ah Wales an che ṭha a, an ram hsitory-a a vawi khatna atan top 10 an inhlangkai. Wales hi Euro Qualifier Group B hmahruaitu an ni a, 1958 World Cup hnuah inlenaah lian an la khel leh lo.