West Ham-ah Juventus defender Ogbonna

Coach thar Slaven Bilic hnuaiah West Ham pawhin player thar an lak belh zel a, Italy centre-back Angelo Ogbonna chu Juventus aṭanga lalut turin an dawr fel tawh nia sawi a ni.

Hammers hian Og­bonna manah hian Serie A champion hnenah hian pound maktaduai 10 an pe ang.

Kum 2013-a Torino aṭanga Juventus pantu Ogbonna hian season hman zawh takah khan Italian champion tan match 31 a khel a, Champions League final-ah erawh bench-ah a ṭhu tluanchhuak.

Kum 27-a upa de­fender hi tun nipui transfer-a West Ham player pangana tur a ni a, Italy tana vawi 10 inlan tawh defender hma hian Hammers chuan Pedro Obiang, Dmitri Payet, Darren Randolph leh Stephen Hendrie te an lalut tawh a ni.