Fenerbahce-i'n RVP lakluh tumin Man Utd. an dawr

Turkish club Fenerbahce chuan Old Trafford aṭanga Dutch striker Robin van Persie lakluh tumin Manchester United an dawr.

Kum 31-a upa Van Persie hian kum 2012 khan Arsenal aṭangin Manchester United hi a pan a, a man zatah Red Devils hian pound maktaduai 24 an seng. United-a a season hmasa berah RVP a che ṭha nghal a, Premier League-ah champion-in goal 26 zet a khung nghal.

Season hman zawh takah erawh RVP-a'n beisei a phak lo a, inhliamin a tibuai reng bawk nen goal 10 chiah a khung.

Old Trafford-a kum khat chiah contract nei tawh Van Persie hma hian United winger Nani chuan pound maktaduai 4.25-in Fenerbahce hi a lo pan tawh a, Turkey club lamah hian Van Persie pawh a kal ngei hmel hle.

Van Persie hi a chhuak a nih chuan Louis van Gaal-a'n striker dam ṭha pahnih Wayne Rooney leh James Wilson chiah duhthlan tur a nei dawn tihna a ni a, hliam vangin Javier Hernandez chu a chawl mek.