Lawngtlaiah Tuivamit an champion

Khelo India Under 17 hnuai lam hmeichhe football inelna, Lawngtlai District Football Association ten an buatsaih chu Inrinni khan a hmawr bawkna neih a ni a,  CYLA Playground-a final khelhah Tuivamit chuan A1 FC chu 2-0 a hnehin an champion.

Tuivamit hi Aizawla neih tur Mizoram State League khel turin an tling a, heta champion hian Mizoram aiawhin India ram huap inelnaah a tel leh ang. Tuna inelna hi India-in Under 17 Women's World Cup a thlen tur atana player zawnna a ni.