Miami mawina Messi

Lionel Messi hi zawng a danglam a ni - Inter Miami captain hian nimin zing khan goal hnih a khung bakah assist vawi khat neiin a team chu DC United lakah 3-2 in a chakpui.

Messi hian ke vei lam hmang thiam bik a nihna chu a takin a lantir leh a, hla tak aṭangin Tadeo Allende goal khung tur a siamsak a, player nazawngin a nachang an hriat loh tur a hmuh fuh vang a ni.

Argentina captain hian box pawn aṭangin a hlap lut bawk a, a kum tam deuh tawh mah se a thiam dan a la pangngai reng a, a team Inter Miami chakna hnar a la ni chhunzawm.