Vawiinah Subroto Cup quarterfinal

Mizoram chuan vawiin chawhnu dar 2:00 hian Subroto Cup vawi 64-na quarterfinal-ah CISCE an hmachhawn dawn. Inkhel hi Sportscast YouTube channel-ah a en theih ang. Coach Lalthawmmawia leh manager Vanlalhruaia te kaihhruai team hian group stage-ah Tripura (6-0), Sainik School (17-0) leh Chandigarh (2-0) te an hneh.

Junior (U17) inelna quarterfinal inkhel dangah Goa Vs Army Boys (6:30 AM), CBSE Vs APS (9:00 AM) leh Lakshadweep vs Kerala (5:00 PM) te an inkhel bawk ang. Inelna hi Delhi-ah neih a ni.