Al-Nassr chakna Ronaldo

Cristiano Ronaldo chuan goal khung chhunzawm zelin, Al-Riyadh lakah goal hnih a khung a, a team Al-Nassr chu 5-1 a hnehna chanpuiin Saudi Pro League khelh laiah hma a hruai chhunzawm.

Ronaldo bakah hian nipui bazar laia an lakluh Joao Felix chuan goal hnih khungin, Bayern Munich forward ni ṭhin Kingsley Coman pawhin goal khat dang a thawh ve bawk.

Inkhel dangah Al-Ittihad pawh an chak - Al-Ittihad hian hun tawp dawna N'Golo Kante-a goal khung hmangin Al-Najma chu 1-0 in an hneh a, league match thum an khelh tawhah chak vekin Al-Nassr nen point kua ve ve an hmu. Saudi Pro League champion nih tuma inum boruak a sang chho dawn hle.