Spurs an chelh e

Brighton & Hove Albion khelmualah Tottenham Hotspur an chak zo lo a, 2-2 in an inhnehtawk - Spurs hi si phurh suttu zawkah an ṭang hial a, match nga an khelh aṭangin point 10 an hmu.

Seagulls-in (Brighton sawina) an khelmualah Spurs ngam lo zawk mah se, a pawimawh ber goal khung lamah an vannei a, Yankuba Minteh leh Yasin Ayari hmangin hma takah goal an khung a, minute 30 a pel awrh tihin, 2-0 in hma an hruai der.

Mahse, chawlhlawk hman hma hretin, Spurs-in minute 43-naah si phurh an sut ṭhen. Mohammed Kudus-a 'shot' chu Richarlison-a'n lo dangin, hei hi goal-ah a pet lehnghal a, 2-1 a ni.

Second half-ah Spurs-in inkhel an thunun a, mahse, a pawimawh ber goal an khung lawk thei lo - Richarlison leh substitute Xavi Simons ten hun ṭha nei ṭhin mah se, an chhawr thei lo a, an tlawm mai dawn niin a lang hman.

Mahse, hun tawp nan minute riat chiah a awm tawh tihah Spurs an vannei ta nge nge a, Kudus-a ball cross chu Dutch centre back Jan Paul van Hecke chuan an lamah a tilut a, goal dang lut loin, 2-2 in inkhel a tawp.