Australia Vs India A ni ngana hmuhnawm dawn

Australia leh India chuan vawiin hian third Test ni ngana an khel dawn a, Men in Blue tan chak turin run 309 zet siam a ngaih avangin chak turin Aussies dinhmun a ṭha.

Sydney-a inkhelah hian Australia-in bat hmasain run 338 an siam a, India-in first innings-ah run 244 chauhin an chhanglet. Aussies hian second innings-ah run 312/6 an siam tihin an duh tawk a, an run siam hi chakpui thamah an ngai.

Test cricket hi ni nga chhung khelh a ni a, hemi chhunga result a awm hman loh chuan inhnehtawka puan tur a ni. Aussies-in India batsman-te an vawm hlum vek a ngaih avangin thutlukna ṭha an siamah a ngaih theih.

India opener Rohit Sharma (52) leh Shubman Gill (31) ten ni linaah an thi hman a, Cheteshwar Pujara (9*) leh captain Ajinkya Rahane (4*) te chet ṭhat danin India dinhmun a hril dawn. Men in Blue tan Australia hneh turin ni nganaah run 309 siam a ngai a, draw tur chuan an dam tlang a ngai ang. 

India fast bowler Mohammed Siraj chuan ni linaah hian umpire hnenah mipui lam aṭanga ṭawngkam chhia hmanga rawn an khum an awm thu a sawi a, police-in mi paruk an hnawt chhuak. International Cricket Council chuan thil thlen dan hi a chhui zui ang.