Gatlin a tlan chak ber

Lausanne-a neih mek Diamond League mipa 100m intlansiakah American Justin Gatlin chu a elpui Asafa Powell leh Tyson Gay te hnehin pakhatna a ni.

Kum 33-a upa sprinter hian thla thar khian China khawpui Beijing-a neih tur World Athletic Championship inbuatsaihna atana an hman Diamond League-ah hian second 9.75 chhungin 100m a tlan thleng a ni.

Jamaican Powell leh Gay te hian second 9.92 chhungin an tlan thleng thung. He inelnaah hian inhliam vangin Usain Bolt a inlan lo. Pakhatna ni mah se tun ṭum hi Gatlin hi kumina a tlan ṭhat ber ṭum a ni lo; May thla khan second 9.74 chhungin 100m a lo tan thleng tawh bawk.

Hnehna a chang chu lawmawm a tih thu sawiin Gatlin chuan, "Helai hmuna intlansiak hi nuam ka ti. Nikum khan helaiah hian second 9.79 chhungin ka lo thleng tawh a, tunah chuan kha aia ṭhaa ka tlan avangin ka lawm tak zek. Beijing-ah pawh ka chet ṭhatna hi chhawm nun ngei ka tum," tiin a sawi.