Watford-ah Behrami

Season thar aṭanga Premier League khel tur Watford chuan Hamburg aṭangin midfielder Valon Behrami an la lut.

Kum 30-a upa Behrami hian July 2008 - January 2011 inkar kum hnih leh a chanve chhung Premier League club West Ham-ah a hun a lo hmang tawh a, a mikhual lo.

Serie A club Lazio, Fiorentina leh Napoli-ah te hun lo hmang tawh bawkin Napoli-a a cham lai hian kum 2014-ah khan Coppa Italia a chawi nghe nghe a ni.

Switzerland tana vawi 59 lai lo inlan tawh Behrami hian kum thum chhung cham turin Watford-ah hian contract a ziak a, season hman zawh takah khan Hamburg tan match 22 a inlan nghe nghe.

Watford-in an mana­ger thar Quique Sanchez Flores hnuaiah player paruk lai an la lut tawh a, Behrami hma hian France midfielder Etienne Capoue, striker Matej Vydra, defender Jose Hole­bas leh Sebastian Prodl bakah goalkeeper Giedrius Arlauskis te an la tawh bawk.