Casillas a chhuak dawn

FC Porto-in Spain goalkeeper Iker Casillas an la lut dawn. Real Madrid nen inremna an nei tawh.

Kum 34-a upa Casillas hian Real Madrid-ah kum khat contract a la nei a, kum 25 a khelh chhungin Spanish club hi Champions League title vawi thum leh La Liga title vawi nga a lak pui. Iker hi Spain tan vawi 162 a khel tawh a, European champion ṭum hnih a ni tawh a, World Cup-ah a champion tawh bawk.

Casillas hian kum 1990 khan Real youth academy a zawm a, kum 1999 khan first team tan a khel ṭan. Jose Mourinho hnuaiah 2012-13 season khan Diego Lopez tluk loin second keeper a ni a, 2013-14 season khan manager Carlo Ancelotti chuan Champions League leh Copa del Rey-ah Spanish keeper hi a chhawr a, league-ah Diego Lopez a hmang thung.

Nikum khan Casillas hian Real tan first keeper chang chho leh mah se club-in amah thlak turin David de Gea lak luh an tum a, Manchester United keeper hian Real legend hi ram leh club tan a thlak thuai rin a ni.