Marcelo-a'n contract thar a ziak

Real Madrid full-back Marcelo chuan kum 2020 June thla thleng Santiago Bernabe-a cham chhunzawm turin contract a ziak. A contract a hman zawh meuh chuan kum 32-a upa a ni tawh ang.

Brazil international hi an ram Brazil club Fluminese a inzir chhuak niin 2007 January thla khan Real a pan a ni. Spanish club lian tan hian game 320 khel tawhin goal 17 a khung tawh bawk.

Kum 27-a upa Marcelo hian Real tan La Liga nomawi pathum, Coppa Del Rey leh UEFA Champions League te a chawi tawh. Marcelo hi Brazil tan pawh player pawimawh niin an ram tan match 39 a inlan tawh nghe nghe.