Korea Open champion Swiatek

Iga Swiatek chuan set a hloh hmasak hnuah Ekaterina Alexandrova chu 1-6, 7-6(3), 7-5 in a hneh a, a phu ang ngeiin Korea Open nomawi a chawi.

Seoul khawpuia inelna neihah, seeded pakhatna Swiatek hian a tir lamah chuan set hloh loin, hnehsawh takin hnehna a chang, final bikah erawh set hmasa berah game khat chauh a la thung.

Mualpho thei dinhmuna a din hnuah Polish nula a insiamṭha a, set hnihnaah tie break a khelh pui hnuin set thumnaah chuan a chak tlang a, a tan nomawi hlu tak a ni ngei ang.

World number 2 Swiatek chuan, "Mite chuan chak lo zawk turah min ngai hman vek tawhin a rinawm, engtiang takin nge ka chak leh daih theih dan pawh kha ka hre bik lo, set hnihna aṭang khan thil mak a thleng," a ti.

Tennis season kal laiah Grand Slam pali an khel zo tawh a, inelna lian bik khelh tur an nei tawh lo. Chutihrualin, WTA 1000 Masters ṭhenkhat bakah ranking sang zual pariat inelna WTA Finals chu November 1-8 chhungin an la khel dawn bawk.