Beisei phak lo Aston Villa

Season hmasaa Premier League club hmuhnawm ber pawl Aston Villa an chak thei ngang lo - Pathianni zan khan Premier League kai thar Sunderland chu 1-1 in an inhnehtawkpui a, tun season-ah chak an la nei lo!

Minute 33-na lekah Black Cats defender Reinildo chu Matty Cash laka mawi lo taka a chet avangin hnawhchhuah a ni a, Villa tan khua a var ve dawn ta niin a lang. Mahse, Sunderland zawk hian Omar Alderete hmangin bar an tihper!

Mahse, Villa hian minute 67-naah Cash hmangin an khung ta nge nge a, an chak ngei dawn niin a lang hman. Beisei ang erawhin thil a kal lo - captain Granit Xhaka siamsak chu Wilson Isidor chuan minute 75-naah a tauh lut a, 1-1 in inkhel a tawp.

Villa-in league match ngaah chak an la neih loh avangin table-ah 18-na an ni mek a, Sunderland erawh match ngaah point riat neiin, table-ah pasarihna an ni mek.