Oliver Burke-a'n hattrick siam

Union Berlin forward Oliver Burke chuan Pathianni zan khan Eintracht Frankfurt lakah goal thum a khung a, Scottish player zinga Bundesliga-a hattrick siam hmasa ber a ni.

Burke-a'n hattrick a siam hma hian Ilyas Ansah chuan goal hmahruai a khung a, Frankfurt tana Nathaniel Brown, Can Uzun leh Jonathan Burkardt (penalty) te goal khungin awmzia a nei phak lo - Berlin hi 4-3 in an chak.

Borussia Dortmund-in Inrinni zana 4-1 a chak Bayern Munich thlah fal an tum lo tih pholangin, VfL Wolfsburg chu 1-0 in an hneh a, Karim Adeyemi chuan goal awmchhun a khung - league match li khelh tawhah Dortmund hi an la tlawm lo.

Mahse, match khat draw an nei a, match lia la chak vek Bayern Munich chu point hnihin an phak lo mek. Erik ten Hag an ban hnuah Bayer Leverkusen-in coach atan Kasper Hjulmand an la lut a, Danish coach hnuaia an league match hmasa berah chak mah se, a match hnihnaah erawh an vanduai.

Leverkusen hian an mikhual Borussia Mönchengladbach chu 1-1 in an inhnehtawkpui.

Malik Tillman chuan Leverkusen tan goal hamhruai a khung a, chak mai tura an lan hnu, hun pek belhah Gladbach tan Haris Tabakovic chuan si phurh a sut a, point-ah lungawi an zir.