Mizoram cricket team inlan dawn
Board of Control for Cricket in India (BCCI) hnuaia Twenty20 cricket inelna Syed Mushtaq Ali Trophy 2021-ah vawiin hian Mizoram an inlan dawn a, plate group a an awmpui Sikkim nen chhun dar 12:00 ah an inkhel ang.
Inelna hi Ramachandra Medical College Ground, Chennai-ah neih a ni dawn. Mizoram hi plate group-ah Sikkim, Meghalaya, Chandigarh, Nagaland leh Bihar te nen an awm khawm.
Group match-ah team zawng zawng an inkhel kual vek dawn a, chumi hnuah a sang pahnih ten knock out round an lut ang.
Season hmasa Syed Mushtaq Ali Trophy-ah khan Mizoram hian chak ni hmel an hmu lo, kuminah erawh inbuatsaihna an neih ṭhat avangin manager Lalroṭhuama chuan hnehna chan ngei an beisei thu Vanglaini a hrilh.
Mizoram Fixtures
January 11 Mizoram 12:00 PM Sikkim
January 13 Mizoram 12:00 PM Meghalaya
January 15 Mizoram 12:00 PM Chandigarh
January 17 Mizoram 12:00 PM Nagaland
January 19 Mizoram 12:00 PM Bihar