PSG hnehtu Marseille

Ligue 1 champion lai Paris Saint Germain chuan season kal laiah a vawi khat nan hneh loh an tawng - Paris club hian Thawhṭanni zan khan an mikhualna ramah Marseille chu 1-0 in an hneh lo.

Marseille tan hian defender Nayef Aguerd chuan minute ngana lekah goal awmchhun hi a khung. Orange Vélodrome-a inkhelah, mikhual lamin ball chang tamin inkhel thunun viau mah se si phurh an sut thei lo a ni.

PSG coach Luis Enrique chuan, "Khelh ṭhat loh leh a fuh tawk loh chang chu a awm ngei mai, tun ang em ema tihsual kan ngah erawh kha chu a mak hle a, a zahthlak tel bawk tih kan hriat a ṭha.

"Chutihrualin, football hian ken tel tam tak a nei ve a, chung zingah chuan tihsual pawh hi a tel a ni tih kan hriat a ngai. Goal khung theihna tura remchang ṭha em em mai vawi thum kan hmu, kan tihlawhtling thei lo vek kha chu a uiawm a ni," tiin a sawi.

Season hmasa khan Enrique naute hian Ligue 1 bakah Champions League leh French Cup te an la vek a, an nomaiw hlu tak pathum kawl lai hi tun season chu humhim ngei tumin thapui an thawh ang.