Man City inkhelh hun a fuh lo - Silva

Manchester City midfielder Bernardo Silva chuan, thuneitu lamin inkhelh hun an siam dan chu a fuh tawk lo a ti a, a bik takin Arsenal nen an inkhelh dawna hahchawlhna hun a nei tlem bik chu a sawisel.

Kar laihawlah Champions League khelh a ni a, Arsenal aiin Man City hi ni khatin an inkhel tlai zawk - kar tawpah Premier League match hautak an khel zui, zan khatin hahdamna hun an nei tlem zawk a ni.

Silva chuan, "Kan dinhmun pahnih khaikhin chuan a lai lo a, fixture an siam dan hi a fair lo bawk. Hetiang thil hi a thleng fo, ngun taka ngaihtuah chuan inkhairual deuhin a siam theih a rinawm," a ti. Gunners nen hian 1-1 in an inhnehtawk.

Man City manager Pep Guardiola pawhin EPL fixture siam hi a lo sawisel zauh zauh tawh, a bik takin krismas leh kum thar vuakveta match an ngah lutuk chu an tuar niah a ngai a, league match a hautak avangin an tan UCL khelh ṭhat leh a harsa niin a sawi tawh bawk a ni.