Goal khung theih vanga lawmman dawng Gyokeres

Arsenal striker Viktor Gyokeres chu Gerd Muller Trophy hlan a ni a, he award hi season hman zawh taka European football-a club leh ram tana goal khung hnem ber hnenah hlan ṭhin a ni.

Kum 27 mi forward hian season hmasa khan Sporting Lisbon tan match 52-ah goal 54 tehmeuh a khung a, Sweden tan Nations League match ruk khelin goal kua a khung bawk!

Season hmasa khan Bayern Munich striker Harry Kane leh Real Madrid forward Kylian Mbappe te chuan he award hi an indawn ṭawm thung.

Kum 2021 khan Gerd Muller Trophy hi sem ṭan niin, Robert Lewandowski chuan vawi hnih ngawt lo dawng tawhin, Erling Haaland-a'n a dawng tawh bawk.