Keeper ṭha ber Donnarumma

Paris St-Germain-in treble champion an nih theih nana thawhhlawk tak Gianluigi Donnarumma mamawh inti tawh lo mah se, khawvelin he keeper ṭhatna hi a hai lo.

Kum 26 mi keeper hi keeper ṭha ber hnena hlan ṭhin Yashin trophy hlan a ni - season hmasa khan French club tan match 47 khelin vawi 17 ngawt clean sheet a nei.

Manchester City keeper ni ta Donnarumma hian kum 2021 khan Euro-a Italy a champion pui hnuah he award hi a lo dawng tawh - tun ṭumah hian Liverpool keeper Alisson Becker chu pahnihna a ni.

Donnarumma khelhna City hian zanin dar 12:15-ah League Cup khel turin Huddersfield an lenchilh dawn a, Italian keeper erawh a inlan kher lo ang.