BC Roy Trophy khel turin Mizoram chhuak

Mizoram chuan Inrinni khan BC Roy Trophy khel turin inelna neihna hmun Shillong, Meghalaya an pan. India ram state hrang hrangte kum bithliah inelna BC Roy Trophy-ah hian Mizoram hi Tier I-ah an awm a, champion rinkai zinga mi an ni.

Inelna  hi January 28, Thawh­lehni aṭanga khelh ṭan tur a ni a, Mizoram hi group A-ah Goa, Uttar Pradesh leh Delhi nen an awm. Mizoram team hi manager Hmingthansanga leh coach Vanlalpeka hoin an kal a, January 28 zing dar 9:00 hian match hmasa berah Goa nen an inhmachhawn ang.