Mizo goalkeeper ṭha Hruaia a thi

Myanmar tana inlan thei khawpa thiam Mizo goalkeeper ṭha Vanlalhruaia chu October 22, Thawhṭanni khan Tahan-ah kal leh thin ṭha lo vangin a thi.

Dinthar FC-in kum 2008 vel khan Hruaia hi an la thla a, Mizoram Premier League awm hma niin Maimawms hi First Division League-ah a champion pui a, Mizoram aiawh pawha feh chhuakin, 11th ONGC Cup 2008-ah an champion.

Aizawl aṭangin Shillong a pan a, Arhima tan khelin Shillong Premier League leh Meghalaya Champions League-ah te a champion. Meghalaya tan pawh Hruaia hi Santosh Trophy-ah a inlan.

Meghalaya aṭangin Myanmar lamah a kir a, Hruaia hi Nay Pyi Taw tan khelin AFC Cup-ah te a inlan bakah Ayeyawady United, Dagon leh Rakhine United tan a khel leh bawk. Mizo goalkeeper ṭha hi Myanmar tan pawh ṭum thum a inlan a, Mizo football tan chânna lian tak a ni.