Fulham chakna Smith Rowe

Emile Smith Rowe chu Fulham chakna hnar a ni - Arsenal forward hlui hian Cambridge United lakah goal khat a khung a, a team hi Carabao Cup fourth round a luhpui.

Craven Cottage-a inkhelah, mualneitu tan striker Raul Jimenez-a shot chu lo dansak mah se ball per hi Emile Smith Rowe chuan a lo khung a, anmahni goal lam an venhim theih avangin an tlang.

Fulham hian League Two club lakah inkhel an thunun hneh hle, a tir lam minute 45 chhung phei chuan ball possession 82% lai an nei thei a, mahse Cambridge United tlarhnung an inrem phui tlat avangin an su hawng thei lo.

Kar tawpah chuan Fulham hian Premier League an khel chhunzawm leh nghal dawn - Aston Villa mualah an lenglut leh nghal dawn a ni. Villa hian zaninah Europa League an khel dawn a, league match khelh hmain hahchawlhna hun an nei tlem zawk dawn tihna a ni.