India vice captain thar Jadeja

India chuan Asia Cup zawhah West Indies nen Test match vawi hnih an khel dawn a, BCCI chuan nimin khan Windies hmachhawn tur player 15 an puang. Vice captain thar atan Ravindra Jadeja chu ruat a ni a, Test match-ah hian India captain chu Shubman Gill a ni.

India hian Asia Cup hmain Test match-ah England nen an inhnehtawk a, hemi ṭuma khel ṭha tawk lo Karun Nair chu squad aṭangin an paih thung. Chief selector Ajit Agarkar chuan, "Tlang taka sawi chuan England-ah Karun khan kan beisei a pha lo," tiin a sawi. Test match hmasa zawk hi October 2-6, 2025-ah khelh a ni ang.

India Test squad vs West Indies: Shubman Gill (c), Yashasvi Jaiswal, KL Rahul, Sai Sudharsan, Devdutt Padikkal, Dhruv Jurel, Ravindra Jadeja, Washington Sundar, Jasprit Bumrah, Axar Patel, Nitish Kumar Reddy, N Jagadeesan, Mohammed Siraj, Prasidh Krishna, Kuldeep Yadav